kuch ishq tha kuch majbori thi soo main ne jeewan waar dia
main kaisa zinda admi tha ik shakhs ne mujh ko mar dia

woh ishq bohat mushkil tha per aasan na tha youn jeena bhi
uss ishq ne zinda rehne ka mujhe zarf dia pindaar dia

ik sabz shakh gulab ki thi ik duniya apne khwab ki thi
woh aik bahar ju ayi hi nahi uss kay liye sub kuch waar dia

yeh saja sajaya gher saqi meri zaat nahi mera haal nahi
aye kash kabhi tum jaan sako ju iss sukh ney azaar dia

main kholi howi ik sachaei mujhe janney wale jante hain
main ney kin logon se nafrat ki our kin logon se pyaar kia